ഓറഞ്ജ് മെർമെർ

കലാകാരൻ, കവി, യോഗി എന്നിവയെല്ലാം ആയ ഇന്ത്യൻ വംശജനാണ് മുപ്പതു വർഷം കോപ്പൻഹേഗനിൽ താമസിച്ച സോഹൻ ക്വദ്‌രി . തന്റെ ജീവിതകാലത്ത് അറിയപ്പെടുന്ന അനേകം സാംസ്കാരിക നായകരുമായി ക്വദ്‌രി സമ്പർക്കം പുലർത്തിയിരുന്നു. സർറിയലിസ്റ് പെയിന്റ് ർ റെനേ മഗ്രിട് , നോബൽ സമ്മാന ജേതാവായ ഹെൻറി ബോൾ , വാസ്തുകലാ വിദഗ്ധൻ ലെ കൊബ്യുസിർ എന്നിവർ അവരിൽ ചിലരാണ്. അമേരിക്ക, യൂറോപ്പ് , ഏഷ്യ എന്നിവിടങ്ങളിലായി എഴുപതിലധികം പ്രദർശനങ്ങൾ അദ്ദേഹം നടത്തിയിട്ടുണ്ട്. അഗാധമായ ധ്യാനത്തിൽ നിന്നും ഉയരുന്ന പ്രമേയങ്ങളാണ് അദ്ദേഹത്തിന്റെ കൃതികൾ.. തിളക്കമാർന്ന , നിറം കൊടുത്ത നിരപ്പല്ലാത്ത പേപ്പറിൽ ചെയ്ത രചനകളിൽ ഇന്ത്യയുടെ വൈവിധ്യമാർന്ന നിറങ്ങൾ കാണാം. ക്വദ്‌രിയുടെ രചനകൾ അധികവും ഒരേ നിറത്തിലുള്ള പ്രതലങ്ങളിലുള്ളതാണ്. അവയിൽ അദ്ദേഹം തുളകളും , മടക്കുകളും ഉണ്ടാക്കുന്നു. അദ്ദേഹത്തിന്റെ കുത്തുകളും മടക്കുകളും "ഊർജത്തിന്റെ പ്രകാശപൂർണ്ണമായ കുമിളകളാണ് ".കടലാസ്സിനെ ഇത്തരം അടയാളപ്പെടുത്തലുകൾ കൊണ്ട് ത്രിമാന സ്വഭാവം ഉള്ളതാക്കി തീർക്കുകയാണ് അദ്ദേഹം ചെയ്യുന്നത്.