4 ezarkin. Higer (Hondarribia, Gipuzkoa)

Erromatar jainkoak irudikatzen dituzten brontzezko ezarkinak; ezkerretik eskuinera: Minerva jainkosa, kaskoa eta bular babesa jantzita eta bularrekoaren gainean gorgoiaren ikurra duela; Marte jainkoa, bizarduna, bular babes eta korintiar kasko kretatuarekin; Helios jainkoa, bular babesa jantzita, eta 5 tximistadun koroarekin, eta Isis jainkosa, bular babesa jantzita, eta ilargi ikurra buru gainean duela.

Pieza hauek itsas azpian aurkitu ziren Asturiaga (Hondarribia, Gipuzkoa) zonaldean, eta ziur aski Aroaren aldaketa ondorengo II. mendekoak dira, erromatarrak Gipuzkoako lurraldea bete-betean okupatu zutenean. Erlijio- edota hileta-erabilera izango zuen kutxa edo altzari baten zati izango ziren.

Erreferentzia bibliografikoak:

Urteaga, María Mercedes. Los Bronces Romanos de Higer. Hondarribia, Gipuzkoa. Munibe, 1987. 40, 111-122

Inbentario-zenbakia: AST-70, 71, 72, 73