മായ -18

1935 ൽ വെസ്റ്റ് ബംഗാളിലെ ശാന്തിനികേതനിലാണ് സനത് കാർ ജനിച്ചത്. 1955 ൽ കൊൽക്കത്തയിലെ ഗവണ്മെന്റ് കോളേജ് ഓഫ് ആർട്സ് ആൻഡ് ക്രാഫ്റ്റ് സിൽനിന്നും പെയ് ന്റിങ്ങിൽ ഡിപ്ലോമ കരസ്ഥമാക്കി. പ്രശസ്തനായ പ്രിന്റ് മേക്കറും , പെയ്ന്ററും ആയിരുന്ന അദ്ദേഹം സൊസൈറ്റി ഓഫ് കോൺടെമ്പററി ആർട്ടിസ്റ്സ് എന്ന സംഘടനയുടെ സ്ഥാപക അംഗവും ആദ്യത്തെ സെക്രട്ടറിയുമായിരുന്നു. ആലോചനാമഗ്നമായ അദ്ദേഹത്തിന്റെ രചനകളിൽ ഒരു സ്വപ്നസമാനമായ ഗുണം കാണപ്പെടുന്നുണ്ട്. അധികവും കടുത്ത വർണ്ണങ്ങളിൽ - നീലലോഹിതം, (mauve)കടും പച്ച , തവിട്ടു നിറങ്ങൾ, ഇളം ചുവപ്പു നിറം, ചാര നിറം - ആണ് അദ്ദേഹം വരച്ചിരുന്നത്. പല തരം മാധ്യമങ്ങൾ ഉപയോഗിച്ച് പരീക്ഷണങ്ങൾ നടത്തിയ ഒരു പ്രിന്റ് മേക്കറും കൂടിയാണ് കാർ. കാർഡ്ബോർഡ് ഇന്റൻഗ്ലിയോ, സൺ മിക്സ് എൻഗ്രേവിങ് എന്നിവയുടെ ഉപജ്ഞാതാവുകൂടിയാണ് അദ്ദേഹം.