Horma ordularia

Bi elementuz osatutako horma-ordularia: zurezko kutxa eta metalezko makineria duen biribilkia. Kutxa zirkulu formakoa da, molduraduna, eta behealdetik makineriara hel daiteke. Metalezko gontza duen beirazko ate batekin ixten da. Biribilkia xaflazkoa da, beixa, beltzez margotutako arabiar zifrekin eta Rubio, Pamplona dioen testua du grabatuta. Orratzak metalezkoak dira eta ez dute apaindurarik.

Industria-iraultzak errotik aldatu zituen ekonomia, gizartea eta bizimoduak. Hori horrela, denbora neurtzeko zehaztasun handiagoak behar tekniko gero eta garatuagoei erantzun zien, eta, azkenik, ordutegia eta puntualtasuna bezalako kontzeptuak orokortzea ekarri zuen emaitza gisa.

Ordulari hau Altsasuko Telegrafoen Bulegokoa zen, eta Gipuzkoako Foru Aldundiaren F. Morcillo Larraza bildumakoa da.

Inbentario-zenbakia: GFA-042720-001

Erreferentzia bibliografikoak:

Juan Garmendia Larrañaga, Juan. Artesanos relojeros. Cuadernos de etnología y etnografía de Navarra, 1970. 2, 5, 267-274.

Garmendia Larrañaga, Juan. Yeregitarrak : Beteluko erlejugilleak = Artesanos relojeros : Los Yeregui. In: Euskal esku-langintza = Artesanía vasca. Donostia = San Sebastián : Auñamendi, 1972. III, 156-183

http://www.euskomedia.org/PDFAnlt/jgl/01001361.pdf