Errege Magoen Adorazioa

Langreseko artista-familia bateko pintore barroko frantsesa zen. Tasselek Italia, Flandes eta Pariseko korronte klasizistak bereganatu zituen, eta ezagut daitekeen estilo pertsonala munduratu zuen. Errege Magoen Adorazioaren gaiaren hainbat bertsio egin zituen, besteak beste, konposizio berbera duen eta Musée du Louvren dagoen bat, xehetasunetan eta koloreetan aldaera txikiak dituena. Margolanaren eskuinaldeko konposizioa nahaspilatu samarra bada ere (pertsonaia eta elementu gehiegi erabiltzen ditu), ezkerraldean Familia Santuaren taldea mugatu egiten du eraikin baten erorkin astun baten gainean, haren protagonismoa nabarmentzeko. Koloreek eta argiak Ama Birjinaren irudia nabarmentzen dute, haren lanetan ohikoa zen bezala, eredu italiarren egokitzapen ahul bat dena.

Mikel Lertxundi Galiana

Inbentario-zenbakia: STM-000056-001