Cap y Llewod Prydeinig

Wedi’i eni yng Nghaerfaddon ond wedi’i addysgu a’i ddatblygu fel chwaraewr rygbi yng Nghymru, enillodd Phil Waller hwn, ei gap cyntaf dros Gymru, yn Rhagfyr 1908 yn erbyn Awstralia.
Chwaraeodd 6 gêm i Gymru. Ni gollodd Cymru erioed pan oedd Phil yn chwarae. Roedd yn flaenwr rhagorol i'w glwb, Casnewydd, ac i Gymru. Ym 1910 cafodd ei ddewis i chwarae i dîm y Llewod a aeth ar daith i Dde Affrica. Ar y daith honno chwaraeodd yn 23 o'r 24 gêm a chwaraewyd – camp anhygoel. Ar ddiwedd y daith arhosodd Phil yn Ne Affrica i fyw a gweithio. Tra bu yno, bu'n chwarae i glwb enwog y Wanderers yn Johannesburg. Ar ddechrau'r Rhyfel Byd Cyntaf ymunodd Phil â Magnelwyr De Affrica a theithiodd i ymladd dros ei wlad yn Ffrainc. Fe’i clwyfwyd a bu farw o'i glwyfau yn Beaumetz-les Cambrai ar 14 Rhagfyr 1917 yn 28 oed.