Haur musikariak

Cittadini, bere sorterria zela eta Il Milanese izenez ezaguna zena, nagusiki natura hilak jorratu zituzten margolari-familia bateko kiderik garrantzitsuena izan zen. Bere garaian loreak, fruituak, animaliak eta paisaiak zituzten konposizioetarako grazia handia zuela zeritzoten, eta erretratugile ospetsua ere izan zen. Lehenengo espezializazio hori zela eta, beste pintore garaikide batzuk mespretxatu egin zuten, bere burua txikiagotzat jotzen zituzten generoei eman zuelako. Haur musikariak bere joera nagusitik aldentzen bada ere, hein batean azaleratu egiten da, papagaiaren eta zakurraren agerpen anekdotikoan. Obraren protagonistak eraikuntza sendoko lau haur dira. Haien bolumetria azpimarratu egiten dute aurpegien modelatuan erabili dituen itzal nabarmenek. Haien tresnak jotzen buru-belarri dabiltza, bikotetan banatuta: ezkerraldeko biek harreman estua dute emanaldian zehar, besteek, berriz, ikusleari erreparatzen diote.

Mikel Lertxundi Galiana

Inbentario-zenbakia: STM-000033-001