പരേതനായ ബെൻസി പരിമു കശ്മീരിലെ ഏറ്റവും പ്രമുഖരായ കലാകാരന്മാരിൽ ഒരാളായിരുന്നുവെങ്കിലും അക്കാലത്ത് അദ്ദേഹത്തിന്റെ കഴിവ് വേണ്ടത്ര അംഗീകാരം നേടിയിരുന്നില്ല. രാജ്യവ്യാപകമായി തന്നെ മറ്റു കലാകാരന്മാരോടൊപ്പം നിൽക്കാവുന്ന കഴിവാണ് അദ്ദേഹത്തിനുണ്ടായിരുന്നത്. എണ്ണച്ചായം, അക്രിലിക് , ജലച്ചായം എന്നിവയിലാണ് അദ്ദേഹം തന്റെ രചനകൾ നടത്തിയിരുന്നത്. ജ്യാമിതീയ രീതിയിലുള്ള അദ്ദേഹത്തിന്റെ രൂപങ്ങൾ ക്യൂബിസത്തിന്റെ ഘടകങ്ങൾ സ്വാംശീകരിക്കുന്നു. യഥാര്ത്ഥനിരൂപിതമായ (റിയലിസ്റ്റിക്) ജലച്ചായ ചിത്രങ്ങളിൽ തുടങ്ങി, ഇമ്പ്രെഷനിസം, ആലങ്കാരികമായ (ഫിഗറേറ്റീവ്) അമൂർത്ത രൂപങ്ങൾ , എന്നീ ശൈലികളിൽ കൂടി കടന്നു പൂർണ്ണമായ അമൂർത്ത രൂപങ്ങളിലേക്കു അദ്ദേഹത്തിന്റെ കൃതികൾ എത്തിച്ചേർന്നു. തന്റെ രചനകളിൽ നീല, ചുവപ്പ്, കാവി എന്നിവ ഉൾപ്പെടെ, വിവിധ തരം നിറക്കൂട്ടുകൾ അദ്ദേഹം ഉപയോഗിച്ചിരുന്നു .