Soinekoa

Zetaz egindako emakume-soinekoa, itsas urdin kolorekoa, mahukarik gabea. Aurrealdean eskote handia eta apaintzeko botoiak ditu; atzealdean, kremailera. Gonak hiru geruza ditu, eta sostengu bat du behealdean, zabaltasuna mantentzeko.

Ehunaren eta jantzigintzaren estiloa eta kalitatea direla eta, XX. mende hasierako kaletar emakume aberats batena izan zela pentsa dezakegu. XVIII. mendetik aurrera, klase dirudunen artean, herriko tradizioetatik urrunduago zegoen janzkera zabaltzen hasi zen. Euskal burgesia eta aristokrazia, atzerrian merkataritza- eta, geroago, industria-lotura sendoak zituela, oso harkorra zen Parisetik eta Londresetik zetozen moden aurrean batez ere.

Ehuna "gros de tours" teknikarekin egindakoa da, hau da, bilbea irazkia baino zabalagoa da.

Gipuzkoako Foru Aldundiaren I. Atxukarro bildumakoa da.

Erreferentzia bibliografikoak:

Mujika Goñi, Amaia… et al. Boladaz pasatua : [erakusketa] = Pasado de moda : [exposición]. Bilbao : Euskal Arkeologia, Etnografia eta Kondaira Museoa = Museo Arqueológico, Etnográfico e Histórico Vasco, 2003.

Inbentario-zenbakia: GFA-0017439-001