Bağış senedi

Vefat etmiş olan haremimiz Emine Melek Hanım Efendi'nin ruh-ı şerifeleri için Kasımpaşa Mevlevihanesi'nde beher sene iki defa hatim-i şerif kıraat ve tetmim (okunması ve bitirilmesi) ve dergâh-ı mezkûr matbah-ı şerifi (mutfağı) ile hücre-nişin bulunan dedegân ve aşıkan (hücrelerde oturan dedeler ve aşıklar) hücrelerinde ikad-ı kanadil (kandil yakma) ve kahve bahalarına sarf ve taksim kılınmak ve badel-mukabele mumaileyhanın (adı geçen hanımın) ism-i şerifleri yad olunmak şartıyla taleben li-rıza-ullah-i teala (Allah rızası için) dergâh-ı mezkûr için esham-ı umumiye (genel borç tahvili) olarak iki yüz altmış lira isterlin vakf ederek Osmanlı Bankası'na teslim edip senedini ahz eylemiş (almış) ve bundan beher sene temettüatı olan 1480 kuruşun dergâh-ı mezkûr postnişini bulunan zat tarafından memhur (mühürlü) sened ahziyle taraflarına itasını mezkûr bankaya bildirmiş olduğumdan meblağ-ı mezburu yüzlük Mecidiye altını hesabiyle işbu seksen altı senesi Temmuzundan itibaren senede iki taksit ile bankadan ahz ü kabz edip (alıp) ber minval-i muharrer (yazılı olan şekilde) şart ve tebeyyün kılındığı vechile bizzat icra ve ahlafları (halefleri) dahi ol vechile hizmet-i mezkûreyi ilan-nihayetü'd-devran (sonsuza dek) bila kusur ifa eylemek üzere salifü'z-zikr (sözü geçen) iki yüz altmış İngiliz lirasını dergâh-ı şerif-i mezbura vakf eylemiş olduğumu natık (belirten) işbu sened tahrir ve dergâh-ı şerif-i mezkûr postnişini Şeyh Ali Rıza Efendi tarafına tebşir kılındı fi 1 Mart 1286 Teşrifati-i Hariciye Esseyyid Mehmed Kâmil