Mektup

Nezaret-i Umur-ı Maliye Düyun-u Umumiye Muhasebesi Aded 544 Bank-ı Osmanî İdaresi'ne Makam-ı Nezaret-i Senaverînin zat-ı velakârîleriyle cereyan eden müzakeresi üzerine hasıl olan neticeyi mübeyyin (izah eden) taraf-ı velakârîlerinden yazılıp irae olunan (sunulan) mektubda banknotların bedeline mukabil Avrupadan getirtmekde oldukları altunların buraya vusuluyla (varışıyla) Meskûkât-ı Şahane İdaresi'nde Osmanlı altununa tahvil olununcaya kadar banknotların bedeli Bank-ı Osmanî'den taleb olunmamak üzere nihayet bir mah mehil itasıyla (bir ay mühlet verilmesiyle) bunların veznelere kabulü ve Hükümet-i Seniyenin Bank-ı Osmanî'ye itimad-ı tammını mutazammin olmak üzere müddet-i imtiyaziyesinde bakiye kalan on sekiz seneye on iki senelik daha ilavesi lüzumu beyan ve ihtiyacat-ı hazinenin tehvinine (hafifletilmesine) medar olmak üzere mukaddema (daha önce) kararlaşdırılmış olan konversiyonun icrası halinde ondan hasıl olacak akçeden verilmek ve olamadığı takdirde gelecek senenin Martından itibaren İnhisar-ı Duhan İdaresi'nin (Tüŧun Rejisi) temettüat-ı safiyesinden Hükümet-i Seniyeye aid olacak hisseden senevî yüzde altı faizle ödenmek üzere yüz bin lirası on beş gün zarfında ve küsuru on beşer gün fasıla ile ellişer bin lira verilerek iki buçuk ayda üç yüz bin liranın şimdiden Hazine-i Celileye avans edileceği ve zikr olunan müddet-i imtiyaziyenin temdidinden dolayı Bank'ın komitesince sermaye-i mevcudesinin tezyidine (artırılmasına) muvafakat olunduğu halde bir üçyüzbin liranın daha diğer suretle Hazine-i Celileye bi'l-müzakere ita olunacağı ve bundan başka tahvilat-ı Devlet-i Aliyye'nin muhafaza-i itibarı içün üç milyon liralık kadar tahvilat mübayaa etmek (satın almak) üzere bir sendika teşkiline de teşebbüs edileceği der meyan kılınması üzerine Bank'ın muhafaza-i itibarı lazimeden (gerekli) bulunduğu cihetle banknotlar bedelatının tehir-i tesviyesiyçün (ödenmesinin geciktirİlmesi için) taleb olunan bir mah mehilin itasıyla beraber banknotların kemafiüssabık (eskiden olduğu gibi) tedavülü hakkında bir ilanname neşri ve Bank'ın komitesince sermaye-i mevcudesinin tezyidine muvafakat olunduğu halde edilecek diğer üçyüzbin liralık avansın tedarikine de irtibatı bulunduğuna binaen müddet-i cariye-i imtiyaziyenin ber vech-i maruz (arz edildiği üzere) temdidi (uzatılması) ve mebliğ-i muharrerenin (belirtilen meblağların) şerait-i mezkûre vechile (sözü geçen şartlarla) ve avans tarikiyle alınması tensib olunarak (uygun görülerek) mezkûr mektub mündericatı vechile (içeriği uyarınca) icabının icrası zımnında vuku bulan arz ve istizan üzerine mucibince İrade-i Seniye-i Hazret-i Hilafetpenahi şerefmüteallik buyurulduğu ve banknotlar hakkındaki ilanname müsveddesinin sureti gazetelerde neşr olunmak üzere Dahiliye Nezaret-i Celilesine irsal kılındığı şerefvarid olan 26 Teşrin-i Evvel sene 1311 tarihli tezkire-i samiyede emr ü irade olunacağının beyanıyla terkim-i tezkire-i senaverîye ibtidar olundu fi 23 Cemaziyülevvel sene 1313 ve fi 30 Teşrin-i Evvel sene 311 Maliye Nazırı