Mektup

Dersaadet'de Osmanlı Bankası Müdiriyet-i Umumisi'ne İdare-i velakârîlerine resü'l-mal (anapara) olarak tevdi etmiş olduğum elli ikibindokuzyüzyetmişbir Osmanlı lirasının faiziyle beraber Selanik'de tarafıma teslim edilmek üzere Bankanız memurlarından münasib görülecek bir zata tevdien irsalini (gönderilmesini) rica ederim. Bankanızca bu babda memur-ı mahsus izamına (gönderilmesine) lüzum görülür ise harcırahiyle mesarif-i saire (diğer masrafları) ve memur izamına lüzum görülmeyip de mu'amele-i mezkûrenin Selanik'deki bankalardan biri vasıtasiyle ifası münasib görülür ise dahi ol babdaki bi'l-cümle mesarif (masraflar) doğrudan doğruya tarafımdan tesviye kılınacakdır (karşılanacaktır). Meblağ-ı mezbur memur-ı mahsus ile buyurulur ise memur-ı muma ileyhe ve eğer Selanik'de bir bankaya ihale-i keyfiyet edilir ise mezkûr bankaya icab eden evrak ve saireyi bi'l-imza ita eyleyeceğimi ve husus-ı mezkûreye müteferri (bağlı) kâffe-i mu'amelatın ifasına amade (hazır) bulunduğumu beyan ederim.Abdülhamid Selanik 5 Mayıs 1325