Lepoko aleak. Iruaxpe I (Aretxabaleta, Gipuzkoa)

Bi aldeetatik zulatutako lepokoaren disko-formako 8 ale eta ale zilindriko bat. Kaltzita zurian eginda daude eta 7 eta 10 mm arteko diametroak dituzte. Horien ondoan, goialdean, disko eta zilindro arteko formako ale bat dago, talko edo antzeko harri bigunekoa, berde argi kolorekoa. Iruaxpe I (Aretxabaleta, Gipuzkoa) haitzuloan aurkitu ziren eta haitzulo horren zoru gaineko ehorzketei lotuta daude. Ziur aski Kalkolitokoak dira (4500 – 3800 BP).

Erreferentzia bibliografikoak:

Armendariz, Ángel. Excavación de la cueva sepulcral Iruaxpe I (Aretxabaleta, Guipúzcoa). Munibe, 1987. 39, 67-92