Holandako familia noble baten erretratua

Haren garaikide askok bezalaxe, Quinkhardek, genero-eszena lauen ordez, pintura alegorikoa eta mitologikoa bezalako gai transzendenteago ak aukeratu bazituen ere, Holandako errealitateak leku bat izan zuen haren produkzioan, erretratuaren bidez. Emaitza bikainak lortu zituen genero horretan, ingeles pinturako eraginak txertatuz. Azken finean, bi lurraldeetako klase altu eta ertainek haien maila sozialaren harrotasunmaila antzekoa izan zuten, eta hura agertu nahi zuten haien erretratuetan. Quinkharden adibide bikain honetan agerian jartzen da prestigio hori, hiru pertsonaiek soinean daramatzaten ehunen kalitatea modu miresgarrian jaso baita, bereziki, familiaburuak daraman dirdai irisatuko zetazko txabusinan. Haren itxuraren monumentaltasunak finkatu egiten du hiru pertsonaiek eratzen duten hirukian oinarritutako konposizio sendoa. Hirurak paisaiari zabalik dagoen jauregi-eremu aberats batean daude bilduta, haien oparotasunaren sinbolo gisa baliagarri.

Mikel Lertxundi Galiana

Inbentario-zenbakia: STM-000062-001