Gazete kupürü

Osmanlı Bankası'nda müdahhar (toplanmış) bulunan nukudun (nakdin) Cuma ertesi günü yeni banka dairesine nakl olunduğunu yazmış idik. Yevm-i mezkûrda altun olarak nakl edilen akçenin mikdarı birbuçukmilyon Osmanlı lirasından fazla olub bunun vezn ü sikleti (ağırlığı) tahminen onüç tonilatoya yani onbinyüzkırk kıyye-i atikaya (eski okkaya) baliğ olmakdadır. Meblağ-ı mezburun nukud-ı saire ile evrak-ı nakdiye (banknot) ve tahvilatın nakliyçün tramvay şirketinin arabaları istimal edilmişdir (kullanılmıştır). Tahvilat ve evrak-ı nakdiye-i sairenin nakliyatı dahi Cuma ertesi günü itmam olunarak (tamamlanarak) Pazar günü yeni daire mahzenlerine yarım milyonluk sim (gümüş) mecidiye nakl ü vaz edilmişdir. Banka tarafından nukud ve saire naklinin emr-i nezaretine Mösyö Şarl Holm (Charles Holmes) tayin olunduğu gibi bunların yeni daireye vürudlarında (girişlerinde) ahz ü tesellüm muamelesi dahi ser veznedar Mösyö Bove (Beauvais) tarafından icra kılınmışdır.