ബംഗ്ലാദേശിൽ ജനിച്ച സുഹാസ് റോയ്, കൊൽക്കൊത്തയിലെ ഇന്ത്യൻ കോളേജ് ഓഫ് ആർട്ട്സ് ആൻഡ് ഡ്രാഫ്റ്സ്മാൻഷിപ്പ് എന്ന സ്ഥാപനത്തിൽ പഠനം നടത്തി. പിന്നീട് പാരീസിലെ എക്കോൽ സുപ്പീരിയർ ദി ബോആർട്സിൽ പ്രൊഫസർ . എസ് .ഡബ്ലിയു . ഹയറ്ററുടെ കീഴിൽ ഗ്രാഫിക് ആര്ട്ട്, മ്യൂറൽ ആര്ട്ട് എന്നിവ അഭ്യസിക്കുകയും ചെയ്തു. അദ്ദേഹം ഫ്രാൻസിലായിരുന്നപ്പോൾ , യൂറോപ്പിലെ മോഡേണിസം അദ്ദേഹത്തെ സ്വാധീനിച്ചിരുന്നു. പിന്നീട് ടൈകൻ എന്ന ജപ്പാനീസ് കലാകാരൻറെ കറുപ്പും വെളുപ്പും കലർന്ന രചനകളും അദ്ദേഹത്തെ സ്വാധീനിച്ചു എന്നത് അദ്ദേഹത്തിന്റെ പ്രകൃതി ദുശ്യങ്ങളിൽ നിന്നും മനസ്സിലാക്കാവുന്നതാണ്. , യൂറോപ്പിലെ പള്ളികളിലുള്ള അൾത്താരകളിലെ രൂപങ്ങളിൽ നിന്നും പ്രചോദനം കൊണ്ട , അനുതാപപൂർണ്ണമായ കൃസ്തുവിന്റെ ശരീരവും ,മുഖവും , ആദ്യകാലത്ത് അദ്ദേഹം ചെയ്ത പ്രിന്റുകളിലും എച്ചിങ്ങുകളിലും കാണപ്പെടുന്നു. ഈ താല്പര്യം പിന്നീട് സ്ത്രീകളുടെ മുഖവും ശരീരവും വരക്കുന്നതിൽ അദ്ദേഹത്തെ കൊണ്ടെത്തിച്ചു. കാല്പനികവും, സുന്ദരവും, പ്രകാശപൂർണ്ണവും , സങ്കടം നിറഞ്ഞ നോട്ടം ഉള്ളവയും ആണ് ഈ സ്ത്രീ രൂപങ്ങൾ. തന്റെ ചുറ്റും നടക്കുന്ന കാര്യങ്ങളാണ് അദ്ദേഹത്തിന്റെ രചനകൾക്ക് പാത്രമാകുന്നത്; അവയെല്ലാം ഭ്രമകല്പനയിൽ (ഫാന്റസി) അധിഷ്ഠിതവുമാണ് . വളരെക്കാലം അദ്ദേഹത്തിന്റെ സങ്കൽപ്പ ദേവത രാധയായിരുന്നു - രാധയെഇതിഹാസങ്ങളിലെ സ്ത്രീസൗന്ദര്യത്തിന്റെ മൂർത്തീകരണമായിട്ടാണ് കണ്ടത്. ലോകത്ത് പലയിടങ്ങളിലും അദ്ദേഹത്തിന്റെ രചനകൾ പ്രദർശിക്കപ്പെട്ടിട്ടുണ്ട്. കൊൽക്കത്തയിലെ ശാന്തി നികേതനിലെ കലാ ഭവനിൽ പെയിന്റിങ് വിഭാഗം തലവനായ റോയ്, ശാന്തിനികേതനിലാണ് താമസിക്കുകയും രചനകൾ നടത്തുകയും ചെയ്യുന്നത്.