Erromeria

Erromeria Rafael Picavea kazetari eta enpresagizonak Oiartzunen (Gipuzkoa) zituen jauregiko bi gela apaintzeko egindako enkargua da. Picavea berak, zein haren jabetzako hedabideek, beti jarri zieten arreta euskal artista berritzaileen ibilbideei. Hori dela eta, mende aldaketan, modernotasunaren bi apostoluen zerbitzuak izan zituen bere etxea apaintzeko: Adolfo Guiardek beirate sinbolista batentzako zirriborroa egin zuen, eta Darío Regoyosek erromeriaren eta aurreskuaren gaiak garatu zituen mosaiko baten itxurak egiten dituen 19 metro linealeko friso batean. Friso horretan, Regoyosek bere pintzelkada puntillista aldatu egin zuen, kontrol handiagoa izateko, eta pintzelaren muturraz olio-pintura bustian egindako tesela faltsuez eszenak eraikitzeko. Horren ondoriozko geometrizazioak konposizioaren estatikotasun handiagoa eragin zuen.

Mikel Lertxundi Galiana

Inbentario-zenbakia: STM-001290-001