സർ. വിൻസ്റ്റൺ ചർച്ചിൽ

ഐതിഹാസിക കലാകാരനായ രാജ രവി വർമ്മയുടെ രണ്ടാമത്തെ പുത്രനായ രാമ വർമ്മ, 1879 ൽ മാവേലിക്കരയിൽ ജനിച്ചു. അച്ഛന്റെ കലാ പാരമ്പര്യം മുന്നോട്ട് കൊണ്ടുപോയ അദ്ദേഹം കാൻവാസിൽ എണ്ണ ചായം കൊണ്ട് വരക്കുകയും ഛായാ ചിത്രങ്ങൾ രചിക്കുകയും ചെയ്തു. മുംബൈയിലെ ജെ.ജെ. സ്‌കൂൾ ഓഫ് ആർട്സിൽ പഠിച്ച അദ്ദേഹം പിന്നീട് കേരളത്തിൽ തിരിച്ചു വന്ന് രാജ രവി വർമ്മ സ്‌കൂൾ ഓഫ് പെയ് ന്റിങ് തുടങ്ങി. അത് ഇന്ന് ആലപ്പുഴയിലെ മാവേലിക്കരയിലുള്ള രാജ രവി വർമ്മ കോളേജ് ഓഫ് ഫൈൻ ആർട്സ് എന്ന കേരളത്തിലെ പ്രധാനപ്പെട്ട ലളിത കലാ പഠന കേന്ദ്രങ്ങളിൽ ഒന്നാണ്. വർമ്മ, സ്‌കെച്ചുകൾ , ഛായാ ചിത്രങ്ങൾ, ഇതിഹാസങ്ങൾ അധികരിച്ചുള്ള പെ യ് ന്റിങ്ങുകൾ , പ്രകൃതി ദൃശ്യങ്ങൾ, എന്നിവക്കൊപ്പം തന്റെ ചുറ്റുമുള്ള സാധാരണ ജീവിത ദൃശ്യങ്ങളും രചനയ്ക്ക് പാത്രമാക്കി. രാജ രവി വർമ്മ, സർ. വിൻസ്റ്റൺ ചർച്ചിൽ, സർദാർ വല്ലഭ്ഭായ് പട്ടേൽ, ജവാഹർലാൽ നെഹ്‌റു, തിരുവിതാംകൂർ ബിഷപ്പ്, കൊട്ടാരത്തിലെ അംഗങ്ങൾ, മറ്റു സുഹൃത്തുക്കൾ എന്നിവരുടെ ഛായാ ചിത്രങ്ങൾ അനുപമ ഭംഗിയുള്ളവയാണ്. .സാംസ്കാരിക, സാമൂഹ്യ, മേഖലകളിലും പൊതു പ്രവർത്തനത്തിലും അദ്ദേഹം സജീവമായി പങ്കെടുത്തിരുന്നു. 1924 ൽ അദ്ദേഹം മാവേലിക്കര മുൻസിപ്പൽ ചെയർമാനായി തിരഞ്ഞെടുക്കപ്പട്ടു. 1962 ൽ കേരളം ലളിത കലാ അക്കാദമിയുടെ ഒന്നാമത്തെ പ്രെസിഡന്റായി.