Osasunaren Iturria

Carlos de Haesen ikaslea. Lehen labealdiko paisaia-margolari errealista euskaldunetako bat da, argi-efektuen eta efektu atmosferikoen bilaketan beti adi egon zena. Arruti Donostiako hiriak XIX. mendeko azken herenean jasan zuen aldaketa sakonaren lekuko izan zen, nahiz eta gutxitan erabili hori motibo gisa. Aitzitik, bereziki interesatu zitzaion hiria haren mugaldeetatik islatzea, hiri-ingurunea eta natura aurrez-aurre jartzen direneko eremu iragazkor horietatik.

Obra honetan, Amarako auzoa eta bertako padurak aukeratu zituen. Hiria harantz zabaltzen ari zen, konposizioaren ezkerraldean agertzen den San Bartolome muinoaren bazterretik. Gizarte klase askok partekatzen zuten lekua zen, baserritarrak edo morroiak burgesiako kideekin elkartzen ziren, azken hauek pasealekuaz jabetu baitziren, aisialdirako gune gisa hartuz.

Pasealekuaren laiotzera daraman eremu argitsuaren perspektibaren sakontasuna nabarmentzen laguntzen du, eta pasealekuan doan bikotearen eguzkitakoaren karminukituak ihespuntua markatzen du.

Mikel Lertxundi Galiana

Inbentario-zenbakia: STM-000401-001