താൻ നടത്തിയ സഞ്ചാരങ്ങളും, കണ്ടുമുട്ടിയ ആളുകളും സതീഷ് ചന്ദ്ര എന്ന കലാകാരനിൽ ശക്തമായ സ്വാധീനമാണ് ചെലുത്തിയത്. അവരുടെ മരം കൊണ്ടും, കല്ല് കൊണ്ടും പണിത വീടുകൾ, വിവിധ വലുപ്പത്തിലുള്ള മണികൾ ഉള്ള ക്ഷേത്രങ്ങൾ , പ്രകൃതിയുടെ അനന്തമായ ഭംഗി ഇവയെല്ലാം അദ്ദേഹത്തിന്റെ സ്കെച് ബുക്കുകളിൽ ഇടം പിടിച്ചു. തന്റെ പാലറ്റിൽ മഴവില്ലിന്റെ നിറങ്ങളെല്ലാം അദ്ദേഹം ശേഖരിച്ചു; കാൻവാസിൽ അന്തരീക്ഷത്തിലെ എല്ലാ വിധ സൂക്ഷ്മ ഭാവങ്ങളും കൊണ്ടുവന്നു.
ഭാരത സർക്കാരിന്റെ നാഷണൽ അവാർഡ് അടക്കം അനേകം പുരസ്കാരങ്ങൾ അദ്ദേഹത്തെ തേടി എത്തിയിട്ടുണ്ട്.