അൺ ടൈറ്റിൽഡ്

. പ്രോഗ്രസ്സിവ് ആർട്ടിസ്റ്റ്സ് ഗ്രൂപ്പിന്റെ സ്ഥാപക അംഗങ്ങളിൽ ഒരാളാണ് ഫ്രാൻസിസ് ന്യൂട്ടൺ സൗസ . ചുവരുകളിൽ അശ്ളീല ചിത്രങ്ങൾ വരച്ചതിന് സെൻറ് . സേവ്യർ ഹൈസ്‌കൂളിൽ നിന്നും അദ്ദേഹത്തെ പുറത്താക്കിയിരുന്നു. പിന്നീട് ഗാന്ധിജിയുടെ ക്വിറ്റ് ഇന്ത്യ സമരത്തിൽ പങ്കെടുത്തതിന് ജെ.ജെ. സ്‌കൂൾ ഓഫ് ആർട്സിൽ നിന്നും അദ്ദേഹത്തെ പുറത്താക്കി.
മതം, മനുഷ്യ ബന്ധങ്ങൾ, സമൂഹം എന്നിവയെക്കുറിച്ചുള്ള നിരീക്ഷണങ്ങളാണ് അദ്ദേഹത്തിന്റെ രചനകളിൽ സാധാരണയായി കാണുന്നത്. ആ രചനകളിലെ രൂപങ്ങളധികവും വക്രമായതും , അക്രമ സ്വഭാവമുള്ളതും, ലൈംഗികതത്വത്തിനു പ്രാമുഖ്യം നല്കുന്നവയുമായിരുന്നു. ആവിഷ്‌കാരശക്തിയുള്ള ഒരു എഴുത്തുകാരനും കൂടിയായിരുന്നു സൗസ. അദ്ദേഹമാണ് പി എ ജി യുടെ പ്രകടന പത്രിക (മാനിഫെസ്റ്റോ) എഴുതി തയ്യാറാക്കിയത് . 1949 ൽ ലണ്ടനിലേക്ക് താമസം മാറ്റിയതിനു ശേഷം പ്രശസ്തമായ അനേകം ലേഖനങ്ങൾ അദ്ദേഹം എഴുതിയിട്ടുണ്ട്.
ലണ്ടനിൽ നിന്നും പാരിസിലേക്കു മാറിയ അദ്ദേഹം തന്റെ ശിഷ്ടജീവിതം അവിടെയാണ് ചിലവഴിച്ചത്.