ബംഗാളിലെ സ്ത്രീ, പുരുഷന്മാരുടെ ഛായാ ചിത്രങ്ങൾ ഒരു പ്രത്യേക ശൈലിയിൽ വരക്കുന്നതിൽ പ്രസിദ്ധി നേടിയിട്ടുണ്ട് ലാലു പ്രസാദ് ഷാ. ചിത്രകാരനും , മുദ്രണങ്ങൾ എടുക്കുന്നതിൽ വിദഗ്ദ്ധനും (പ്രിന്റ്മേക്കർ) ആയ ഷാ , രാജസ്ഥാൻ, മുഗൾ രീതിയിലുള്ള ലഘു ചിത്രണങ്ങൾ (മിനിയേച്ചര്സ് ), ചുമർ ചിത്രങ്ങൾ (മ്യുറൽസ് ) കൊളോണിയൽ കാലത്തെ കമ്പനി സ്കൂൾ പേൻറ്റിംഗുകൾ എന്നിവയിൽ നിന്നും പ്രചോദനം ഉൾക്കൊണ്ടിരുന്നു. ഈ രീതികൾ യോജിപ്പിച്ച് ചെയ്തിട്ടുള്ള , അവിശ്വസനീയമാം വിധം സൂക്ഷ്മാംശങ്ങൾ എടുത്തുകാണിക്കുന്ന, സമകാലിക ഛായാ ചിത്രങ്ങളാണ് ഷായുടെ സൃഷ്ടികൾ.