ആധുനിക ഇന്ത്യൻ ശില്പകലയുടെ പിതാവായിട്ടാണ് രാംകിങ്കർ ബൈജ് ഓർമ്മിക്കപ്പെടുന്നത് . തന്റെ ജീവിത
ത്തിലെ അധിക കാലവും അദ്ദേഹം ശാന്തിനികേതനിലാണ് പഠിപ്പിക്കുകയും ,ശിൽപ്പ നിർമാണം നടത്തുകയും ചെയ്തത്. വലുപ്പം കൂടിയ ശില്പങ്ങളാണ് അദ്ദേഹത്തിന്റെ സൃഷ്ടികളിൽ ഏറ്റവും അധികം പ്രശസ്തി നേടിയിട്ടുള്ളത്. ശാന്തിനികേതനിലെ കലാകാരന്മാരെ അത്യധികം ആകർഷിച്ചിട്ടുള്ള സാന്താൾ ഗോത്ര വർഗ്ഗത്തിലെ ആളുകളുടെ മനോഭാവവും , ഉത്പതിഷ്ണുതയും ആണ് രാംകിങ്കറിനെയും സ്വാധീനിച്ചിട്ടുള്ളത്. അദ്ദേഹത്തിന്റെ ശില്പങ്ങൾ പരീക്ഷണാല്മകമായി പരുത്ത പാറക്കല്ലുകൾ, സിമെന്റ് , കോൺക്രീറ്റ് എന്നിവ ഉപയോഗിച്ചാണ് തീർത്തിട്ടുള്ളത്.