Juan Esteban Aristizábal Vásquez, Juanes ezizenez ezagunagoa, pop eta rock abeslari eta musikagile kolonbiarra da. Aitaren aldetik euskal jatorria du, konkretuki oiartzuarra zen aitaren familia. Oiartzungo Iturriotz auzoan dagoen 'Aristizabal' sagardotegia bere arbasoena zen.
Hamabost urte zituela Ekhymosis Heavy metal taldea sortu zuen. 1998an taldea utzi eta bere bakarlari karrera hasi zuen. 2000an Fíjate Bien debut albumarekin hiru Grammy latino irabazi zituen. Handik hona beste lau disko atera ditu eta 14 milioi ale baino gehiago saldu mundu osoan. Hamazazpi Grammy latino eta Grammy bat jaso ditu. XXI. mendeko abeslari latino arrakastatsuenetako bat da.
2009an Aldapeko euskal herri kantua grabatu zuen, Kepa Junkeraren Kalea diskoan.
Erakutsi gutxiagoIrakurri informazio gehiago Wikipedia