പറക്കും കുതിരകൾ, ഉറക്കം തൂങ്ങുന്ന കടുവകൾ, ഭീമാകാരന്മാരായ കാക്കകൾ

കമ്പനി സ്‌കൂൾ ശൈലിയിൽ നിന്നും തീർത്തും വ്യത്യസ്തമാണ് ചഞ്ചൽ മുഖർജിയുടെ ഈ അസാധാരണമായ മഴവിൽ കടുവ. ഇലകൾ, വെളിച്ചം , നിഴൽ എന്നിവകൊണ്ടാണ് ഈ ചിത്രം നിർമ്മിച്ചിട്ടുള്ളത്.

കൗശലം സ്പുരിക്കുന്ന ചിരിയും , എല്ലാം അറിയുന്ന ഭാവത്തിലുള്ള കണ്ണുകളും ഉള്ള ഈ കടുവയുടെ മുഖം മനുഷ്യന്റെ മുഖത്തെ ഓർമ്മിപ്പിക്കുന്നു!

ഒരു പക്ഷി  കടുവയുടെ പുറത്തു കയറി കാട്ടിലൂടെ ഒരു സവാരി നടത്തുന്നു.

ഏതോ ഒരു അജ്ഞാത ജീവി മരത്തിനു പുറകിൽ ഒളിച്ചിരുന്ന് കടുവയെ നോക്കുന്നുണ്ടെന്നുതോന്നുന്നു.

സ്വാതന്ത്യാനന്തര കാലത്തെ ശാന്തിനികേതനിലെ പ്രധാനപ്പെട്ട കലാകാരന്മാരിൽ ഒരാളായ സോനാഥ് ഹോരെയുടെ ബാല്യ കാലത്താണ് ബംഗാൾ  ക്ഷാമം സംഭവിച്ചത് . ഇരുപതാം നൂറ്റാണ്ടിലെ ഇത്തരം ദുരന്തങ്ങളുടെ ഫലമായി മനുഷ്യർ അനുഭവിച്ച ദുരിതങ്ങളുടെ നേർക്കാഴ്ചകളാണ് അദ്ദേഹത്തിന്റെ രചനകൾ. 

ഈ രചനയിൽ ക്രൂരരായ ചില   വിചിത്ര  ജീവികളാൽ ആക്രമിക്കപ്പെട്ടുന്നതായി തോന്നിപ്പിക്കുന്ന  ഒരു സ്ത്രീയെ ആണ് അദ്ദേഹം ചിത്രീകരിച്ചിട്ടുള്ളത്. 

ഗൗളിയുടെ വർഗ്ഗത്തിൽ പെടുന്ന ഒരു ജീവിയും കുപിതനായ ഒരു പക്ഷിയും ആ സ്ത്രീയുടെ തലയാണ് ലക്ഷ്യമാക്കുന്നത്. 

മുതലയെപോലുള്ള ഒരു ജീവി അവരുടെ ദേഹത്ത് കയറുന്നുണ്ട്. ഈ ജന്തുക്കളെല്ലാം , ഇന്ത്യയിൽ സ്ത്രീകൾ നേരിടുന്ന ക്രൂരതകളുടെ രൂപകങ്ങളാണോ? 

ജന്മസ്ഥലമായ ആന്ധ്രയിലെ നൈസാം പൂറിനെ ഓർമ്മിപ്പിക്കുന്നതാണ് ലക്ഷ്മ ഗൗഡയുടെ കൃതികൾ . വരയ്ക്കുന്നതിൽ ചെറുപ്പത്തിൽ അദ്ദേഹം കാണിച്ച താല്പര്യം വീട്ടുകാർ പ്രോത്സാഹിപ്പിച്ചു. ബറോഡയിലെ  ആർട്ട്  സ്‌കൂളിൽ ഉണ്ടായിരുന്ന കാലത്ത് കുശവൻ, നെയ്ത്തുകാരൻ ,ഗ്രാമീണ നാടക രംഗങ്ങൾ എന്നിവ, വേഷവിധാനങ്ങൾക്ക് പ്രത്യേക ശ്രദ്ധ കൊടുത്ത്, അദ്ദേഹം  വരച്ചു. സമൂഹത്തിൽ ഉറച്ചുനിൽക്കാൻ സാധിച്ചതും, മൃഗങ്ങൾ, പാടങ്ങൾ , കൃഷിയിടങ്ങൾ എന്നിവയെക്കുറിച്ചെല്ലാമുള്ള അറിവും അദ്ദേഹത്തിന് നൽകിയത് ഒരുപ്രത്യേക ശക്തിയും ലയവുമായിരുന്നു.

കെ.ജി. സുബ്രമണ്യന്റെ കീഴിൽ അദ്ദേഹം വരകളിൽ പരീക്ഷണം തുടങ്ങി.പിക്കാസോയുടെ ലീനിയർ റിയലിസവും  പോൾ ക്ളീയുടെ ചിത്രങ്ങളും സ്വാധീനിച്ചു. പ്രിൻറ് മേക്കിങ്ങിലെ  അറിവും  രചനാവൈദഗ്ധ്യവും കൊണ്ട് ലൈംഗിക വിഷയങ്ങൾ പരീക്ഷിച്ചു . ഇതിൽ കമിതാക്കൾക്കിടയിൽ, വാത്സല്യം നിറഞ്ഞ,സ്വമേധയാ  വരുന്ന,  ഒരു  നിമിഷമാണ് കാണുന്നത് . അവർ തമ്മിലുള്ള ബന്ധം കാണിക്കുവാൻ ഉപയോഗിച്ച  രണ്ട് കാക്കകൾ  കവിതയും സ്വപ്നവും ഒന്നായിത്തീരുന്ന  കാഴ്ച നൽകുന്നു   . വക്തിത്വത്തിന് പ്രാധാന്യം കൊടുക്കാതെ ആ രചനയുടെ  ആഖ്യാനം വിശദമാക്കുന്ന രൂപകങ്ങളായി അവ മാറുന്നു.

സുന്ദരമായ ഈ പ്രിന്റ്റിൽ വിസ്തരിച്ച് വേഷം ധരിച്ച ഒരു വനിത തന്റെ കൂട്ടുകാരനോടൊപ്പം നിൽക്കുന്നു. 

അയാൾ നിർവികാരനായി മുന്നിലേക്ക് നോക്കി നിൽ ക്കുമ്പോൾ, അവർ യാഥാർഥ്യത്തിലുള്ളതിൽ  കവിഞ്ഞ വലുപ്പമുള്ള രണ്ട് പക്ഷികൾ ഒരു സ്നേഹ നിമിഷം പങ്കിടുന്നത് നോക്കി നിൽക്കുകയാണ്. 

പ്രസന്നമായ അമൂർത്ത ചിത്രങ്ങൾ വരക്കുന്നതിൽ സമർത്ഥനാണ്  സുഹാസ് നിംബാൽക്കർ 

നേപ്പാളിൽ കുറച്ചുകാലം ജീവിച്ച നിംബാൽക്കർക്ക് ഹിമാലയത്തിന്റെ കാഴ്ച പ്രചോദനം നൽകി. പർവ്വതങ്ങളെ വരച്ചു തുടങ്ങിയ അദ്ദേഹം  സാവധാനത്തിൽ അവയെ ചെറിയ ത്രികോണങ്ങളായ അമൂർത്ത രൂപത്തിലാക്കി.

ഒരു മകൾ ജനിച്ചതിനു ശേഷം തന്റെ ചിത്രങ്ങളിൽ അദ്ദേഹം മാലാഖമാരുടെ രൂപങ്ങൾ ചേർത്ത് തുടങ്ങി. മകൾക്ക്  മാലാഖമാരോടുള്ള സ്നേഹത്തിന്റെ ഫലമായിട്ടാണ് ഇപ്രകാരം ചെയ്തിരുന്നത്. ആ കാലഘട്ടത്തിലെ ഒന്നായിരിക്കണം ഈ രചന. 

വിഭജനത്തിന്റെ കാലത്താണ് നന്ദ കട്ടിയാലും  കുടുംബവും ഡൽഹിയിലേക്ക് വന്നത്. 1960 കളുടെ ആരംഭത്തിൽ ആണ്  കട്ടിയാൽ  അമേരിക്കൻ സെന്ററിൽ ചേർന്ന് സ്പാൻ മാസികയുടെ ആർട് ഡയറക്ടർ ആയി ജോലി ചെയ്തത്. പല വർഷങ്ങൾ ആ ജോലി ചെയ്തതിനു ശേഷം അദ്ദേഹം സ്വതന്ത്ര കലാകാരനായി. തനിച്ചും, കൂട്ടം ചേർന്നും അനേകം പ്രദർശനങ്ങൾ അദ്ദേഹം നടത്തിയിട്ടുണ്ട്. 

മനോഹരമായി നിറം നൽകിയിട്ടുള്ളഈ  ചിത്രത്തിൽ ഒരു നിഴൽ പോലെ ഒരു പൂച്ചയെ കാണാമോ? 


അസ്തമയസമയത്ത്,  ജീവസ്സുറ്റ നിറങ്ങൾ സമർത്ഥമായി യോജിപ്പിച്ചുകൊണ്ട് ,ഒരു കറുത്ത പൂച്ചയെ അതിൽ ഒളിപ്പിച്ചു നിർത്തുകയാണ് ഇവിടെ ചെയ്തിട്ടുള്ളത്.

ഖേംരാജിന്റെ രചനയിൽ ആകാശത്തും , ഭൂമിയിലും, വെള്ളത്തിലും ഉള്ള ജീവിതമാണ് ഉൾക്കൊള്ളിച്ചിരിക്കുന്നത്.  ആ രചനയുടെ ഒത്ത നടുവിലായി ഒരു കാടിനുള്ളിൽ ,  രണ്ട് ഇണകൾ ഗാഢമായി ആലിംഗനം ചെയ്തുകൊണ്ട് കിടക്കുന്നു 

കാടിനപ്പുറമുള്ള ഗ്രാമത്തിൽ സൂര്യ പ്രകാശം ശക്തിയായി പതിക്കുന്നുണ്ട്. കാട്ടിലെ മരച്ചില്ലകളിൽ കൊച്ചു പക്ഷികൾ ഇരിക്കുന്നു 

...കാടിനപ്പുറം സമുദ്രത്തിലെ ഓളങ്ങൾക്കിടയിൽ മത്സ്യങ്ങൾ നീന്തി നടക്കുന്നു 

ആ ഇണകൾക്കരികെ തിളങ്ങുന്ന മഞ്ഞ നിറമുള്ള, മയിലിനെപ്പോലുള്ള, പക്ഷികൾ ചുറ്റി നടക്കുന്നുണ്ട്... 

ഭാവാർത്ഥം സൂചിപ്പിക്കാൻ പ്രകൃതിയിലെ ജീവികളെ ഉപയോഗിക്കുന്നത് കലയിൽ സാധാരണമാണ്. ഇത്തരം വിശകലനങ്ങൾ അനേകം കലാപരമായ ഇടപെടലുകൾക്കും കാരണമായിട്ടുണ്ട്.