നാനാത്വവും വ്യതിരിക്തവും - 1960 കളിലെ കൽക്കട്ട പരീക്ഷണങ്ങൾ

1960 ൽ, തങ്ങളുടെ രചനകൾ പ്രദർശിപ്പിക്കുവാൻ സ്വന്തമായ സ്ഥലം തേടിക്കൊണ്ടിരുന്ന ഒരു കൂട്ടം ചെറുപ്പക്കാരായ കലാകാരമാർ ഒരു പുതിയ കലാകാരന്മാരുടെ സംഘടനാ രൂപവൽക്കരിച്ചു : സൊസൈറ്റി ഓഫ് കൺടെംപററി ആർട്ടിസ്‌റ്റ്‌സ് . .ഇതിലൂടെ കൂട്ടായ പ്രവർത്തനത്തിനും  , സഹ കലാകാരന്മാരുമായി സഹകരിക്കുവാനും, പ്രദർശനങ്ങൾ സംഘടിപ്പിക്കുവാനും ഉള്ള  അവസരം ലഭ്യമായി. ഏതെങ്കിലും പ്രത്യേക ആശയ സംഹിതയിൽ ഒതുങ്ങുന്നവരായിരുന്നില്ല ഇതിലെ അംഗങ്ങൾ. ഓരോരുത്തരും  തങ്ങളുടേതായ ശൈലി പിന്തുടർന്നു; വിവിധ വിഷയങ്ങൾ കൈകാര്യം ചെയ്തു. 

ആ സംഘടന  വളർന്നു, വികസിച്ചു; പ്രവർത്തനനിരതമായ ചുരുക്കം കലാ സംഘടനകളിൽ ഒന്നായി  ഇന്നും നി ലനിൽക്കുന്നു . 
ചിത്രം : സൊസൈറ്റി ഓഫ് കൺടെംപററി ആർട്ടിസ്‌റ്റ്‌സ്  അംഗങ്ങൾ : നിൽക്കുന്നവരിൽ ഇടത്തെ അറ്റം - സുനി ദാസ്, ഇടത്തുനിന്ന് മൂന്നാമത് ശ്യാമൾ  ദത്ത റേ , വലത്തുനിന്നു രണ്ടാമത് ബികാഷ് ഭട്ടാചാർജി , വലത്തേ അറ്റത്ത് ധിരൻ  ചൗധരി . ഇരിക്കുന്നവരിൽ ഇടത്തുനിന്നും രണ്ടാമത് ഗണേഷ് ഹലോയ് ,വലത്തേ അറ്റത്ത് എൽ. പി. ഷോ . ചിത്രത്തിന് കടപ്പാട് : ഡി എ ജി  മോഡേൺ .

മതപരമായ രചനകളിൽ, പ്രത്യേകിച്ച് രജപുത് ചിത്രങ്ങളിൽ ,  നൂറ്റാണ്ടുകളായി പ്രത്യക്ഷപ്പെടുന്ന വിഷയമാണ് കൃഷ്ണനും രാധയും തമ്മിലുള്ള ബന്ധം. ഈ വിഷയത്തെ അധികരിച്ചുള്ള രചനകളിൽ ഒന്നിൽ തന്റെ കാമുകനായ കൃഷ്ണന്റെ അഭാവത്തിൽ തന്നെത്തന്നെ മറന്നു പോകുന്ന രാധയെ കാണാവുന്നതാണ്. കൃഷ്ണനോടുള്ള അവളുടെ ഭക്തിയുടെ പ്രതീകം. 

ഇവരുടെ രൂപങ്ങൾക്ക് ഭീതിദമായ ശൂന്യതയും, ഖിന്നതയുടെ ഭാവവും പകരുന്നത് നിറങ്ങളുടെ തിരഞ്ഞെടുപ്പും വെളിച്ചത്തിന്റെ വൈപരീത്യവും കൊണ്ടാണ്. ഈ രചനയിൽ രാധ തന്റെ കാമുകന്റെ ഓടക്കുഴൽ മുറുകെ പിടിക്കുകയും അത് തന്റെ  കവിളിൽ ഉരസ്സുകയും ചെയ്യുന്നത് കാണാം ; താൻ കൃഷ്ണന്റെ സാമീപ്യം എത്രത്തോളം ആഗ്രഹിക്കുന്നു എന്ന് അതിലൂടെ രാധ വ്യക്തമാക്കുന്നു.  

റേ യുടെ നർമ്മ ബോധം അദ്ദേഹത്തിന്റെ രചനകളിൽ തെളിഞ്ഞു  കാണാം 

ഉദാഹരണത്തിന് ഈ രചനയിൽ ഒരിക്കലും ഒന്നിച്ചു പോകാത്ത രണ്ട്  വസ്തുക്കളെ ഒന്നിച്ച് അവതരിപ്പിച്ചിരിക്കുന്നു. വളരെ ശോഷിച്ച, എന്നാൽ വിസ്തരിച്ച് വേഷം കെട്ടി ഒരുങ്ങിയ, സമൂഹത്തിലെ ഉയർന്ന വിഭാഗത്തിൽ പെടുന്ന ഒരു വനിതയെ ആണ് ഇവിടെ ചിത്രീകരിച്ചിരിക്കുന്നത് .….. 

.... ശരീരത്തിന്റെ ശക്തി പ്രദർശിപ്പിക്കുന്ന ഒരു മത്സരവേദിയിൽ!

വിശദാംശങ്ങൾക്ക് അവിശ്വസനീയമായ പ്രാധാന്യം കൊടുക്കുന്നവയാണ് ഷോ യുടെ രചനകളിൽ അധികവും. 

കൃത്യമായ,  ആത്‌മവിശ്വാസം സ്പുരിക്കുന്ന വരകളിലൂടെയാണ് അദ്ദേഹം തന്റെ രചനകൾ നടത്തുന്നത്. 

രേഖാഗണിതപരമായ കൃത്യതയോടെയാണ് അദ്ദേഹത്തിന്റെ രചനകൾ നിർമ്മിക്കപ്പെടുന്നത്.

1963 ലാണ് ഗണേഷ് പൈൻ .സൊസൈറ്റി ഓഫ് കോൺടെമ്പററി ആര്ടിസ്റ്സ്സിൽ ചേർന്നത്. തന്റെ ചെറുപ്പകാലത്ത്, 1946 ൽ,  കൽക്കത്തയിലെ കലാപത്തിന്റെ സമയത്ത്,  തകർന്ന ആ നഗരത്തിൽ കണ്ട  മൃതദേഹങ്ങളുടെ കൂമ്പാരങ്ങളുടെ   ദൃശ്യങ്ങൾ അദ്ദേഹത്തിനെ ശക്തമായി സ്വാധീനിച്ചു. 

ആ സംഭവത്തിന്റെ ആഘാതം അദ്ദേഹത്തിന്റെ രചനകളിൽ പ്രത്യക്ഷമാണ്. മരണവും, പൈശാചികരൂപികളായ ജന്തുക്കളും, വികൃതമായ രൂപങ്ങളും ഉള്ള ഇരുണ്ട സ്വപ്നങ്ങൾ നിറഞ്ഞവയാണ് അവ. ബംഗാൾ സ്‌കൂളിൽ  നിന്നും പ്രചോദനം കൊണ്ട  അദ്ദേഹം ആദ്യകാലത്ത് ജല ചായ ചിത്രങ്ങളാണ് വരച്ചിരുന്നത്. പിന്നീട് ഗൗഷേ ടെംപറ എന്നിവയിലേക്ക് മാറി. 

1992 ൽ സോംനാഥ് ഹോരെഈ രചന മാധവൻ നായർ ഫൗണ്ടേഷന് സമ്മാനിച്ചു .

1943 ലെ ബംഗാൾ ക്ഷാമം, 1946 ലെ കർഷക സമരം എന്ന് തുടങ്ങിയ ഇരുപതാം നൂറ്റാണ്ടിലെ സമൂഹ വിപത്തുകൾക്ക് സാക്ഷ്യം വഹിക്കുന്നവയാണ് ഹൊറേയുടെ കൃതികൾ. അദ്ദേഹത്തിനെ പ്രിന്റുകളിലും, ശിൽപ്പങ്ങളിലും ഈ ദുരന്തങ്ങളുടെ  ഇരകളുടെ തകർന്ന ദേഹങ്ങൾ കാണാം.